មាន់អនឡាញស៊ីសងលេងកក្រេីកស្រុកក្រុងសៀមរាប

ចេញផ្សាយដោយ៖ www.kehaktomporknm.com.kh on March 21, 2026

ផ្សាយចេញនៅថ្ងៃទី ២១ ខែមីនាឆ្នាំ ២០២៦

ខេត្តសៀមរាប៖ ល្បែងស៊ីសងជល់មាន់អនឡាញ នៅតាមបណ្ដាលស្រុកកំពុងចាក់ផ្នល់លេងស៊ីសងដោយសេរី គ្មានការរំខានពីសំណាក់អាជ្ញាធរសមត្ថកិច្ចឡើយ។

ទីតាំង ៤ ស្ថិតនៅក្នុងស្រុកពីរផ្សេងគ្នា ១ ត្រង់ចំណុច ផ្ទះលោក ឌូបៃ ស្ថិតនៅភូមិគោ ១ សង្កាត់កៀនសង្កែ ស្រុកសូទ្រនិគម បច្ចុប្បន្ន នៅបន្តបើកលេងដដែល គឺកន្លងមកត្រូវបាននគរបាលប៉ុស្តិ៍ កៀនសង្កែ ដឹកនាំកម្លាំងផ្ទាល់ដោយលោក មួន ម៉េត មេប៉ុស្តិ៍កៀនសង្កែរ បានបង្រ្កាបរួចម្តងហើយក៏ដោយ បញ្ជាក់កាលថ្ងៃទី ៦ ខែ ៧ ឆ្នាំ ២០២៥ កន្លងមកនេះ ។

២ចំណុច ថ្នល់ចែក ជាទីតាំងពួកក្រុមតែមួយ  សង្កាត់កៀនសង្កែដដែលកន្លង់មក ធ្លាប់ទទួលការប្រមានពីនរគបាលប៉ុស្តិ៍ ហៅម្ចាស់ផ្ទះទៅអប់រំណែនាំរួចហើយដែរកាលថ្ងៃ ទី១២1២/៣/២០២៦ ពីរទីតាំងខាងលេី ត្រូវបានអោយដឹងថា ហៅនាមក្រៅ១៦៨ មេខ្លា  បច្ចុប្បន្ន លោកអធិការស្រុកសូទ្រ កំពុងតែមើលរំលងផងដែរ។

បន្តពីរទីតាំងទៀត បន្តលេងយ៉ាងសកម្មចំណុច ភូមិបន្ទាយស្រី ឃុំដំដែក ស្រុកសូទ្រនិគម រួមទាំង មួយទីតាំងទៀតនៅ ហាង កាហ្វេរ ជាប់ផ្លូវជាតិលេខ 6 ស្ថិតក្នុងភូមិអង្រ្កង ឃុំកន្រ្ទាំង ស្រុកប្រាសាទបាគង លុះ មកក្នុងក្រុងសៀមរាប ភូមិតាវៀន សង្កាត់សាលាកំរើកមានចំនួន 5 ទីតាំងទៀតគឺ សុទ្ធតែជាគោលដៅល្បែងរបស់ (168 មេខ្លា) ដែលមានមេការគ្រប់គ្រង ៤ នាក់ មានឈ្មោះខាងក្រោម

1: មេការឈ្មោះ តឿ 

 2: ឈ្មោះ មេការ រ៉ាឆា 

 3 : ឈ្មោះ ចែលីនណា 

 4 : ឈ្មោះ តុលា 

ត្រូវបានមហាជនថាកំពុងតែបំពានភូមិឃុំមានសុវត្ថិភាពហើយ។

ប្រជាពលរដ្ឋសូមសំណូមពរនិងសង្ឃឹមថា លោក ឃីម ផល្លា អធិការស្រុកសូទ្រនិគម នឹងលោក លឹម សម្បត្តិ ស្រុកប្រាសាទបាគងលោក ដា ចំរើនអធិការក្រុងសៀមរាប លោកឧត្តមសេនីយ៍ទោ ហួត សុធី លែងមេីលរំលងចំពោះក្រុមបក្សពួកល្បែងស៊ីសងអនឡាញខាងលេីទៀតទៅទាន៕

ប្រភព:MOY

សូមអានបន្ត

ករណីបង្រ្កាប រក្សាទុក ជួញដូរ និង ប្រើប្រាស់

ចេញផ្សាយដោយ៖ www.kehaktomporknm.com.kh on March 12, 2026

តាកែវ ៖ ថ្ងៃទី១១ ខែមីនា ឆ្នាំ២០២៦            

ដោយទទួលបានបទបញ្ជាពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្របសម្រួលនីតិវិធី ដោយឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ។

  នៅវេលាម៉ោង១៣:៥០នាទី ថ្ងៃទី១០ ខែមីនា ឆ្នាំ២០២៦ កម្លាំងមន្ទីរស្រាវជ្រាវនិងបង្រ្កាបបទល្មើសសហការជាមួយកម្លាំងមូលដ្ឋានកងរាជអាវុធហត្ថស្រុកបូរីជលសារ និងកម្លាំងអាវុធហត្ថស្រុកគិរីវង់ ដឹកនាំដោយលោកអនុសេនីយ៍ឯក ជួន តូរ:ត: នាយការិយាល័យប្រឆាំងគ្រឿងញៀន បានចុះប្រតិបត្តិការ បង្ក្រាបករណី រក្សាទុក ជួញដូរ និង ប្រើប្រាស់នូវសារធាតុញៀនជាក់ស្ដែង នៅត្រង់ចំណុចភូមិក្រង៉ុល ឃុំកំណប់ ស្រុកគិរីវង់ ខេត្តតាកែវ។

  +លទ្ធផលឃាត់ខ្លួនជនសង្ស័យបានចំនួន ១ នាក់ ឈ្មោះ ប្រុស សុខុម ភេទប្រុស អាយុ៥៦ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិក្រង៉ុល ឃុំកំណប់ ស្រុកគិរីវង់ ខេត្តតាកែវ។

+ដកហូតវត្ថុតាងរួមមាន÷

១/ ម្សៅក្រាមពណ៌សថ្លា ចំនួន ៥ កញ្ចប់ទម្ងន់១៦១.៣២ក្រាម(ថ្លឹងទាំងសំបកថង់)

២/ ជញ្ជីងថ្លឹងថ្នាំញៀន ចំនួន ១ គ្រឿង

៣/ ទូរស័ព្ទ ចំនួន ១ គ្រឿង

៤/ សម្ភារ:វេចខ្ចប់និងសម្ភារ:សេពថ្នាំញៀនមួយចំនួន។

   បច្ចុប្បន្ន ជនសង្ស័យ រួមនិងវត្ថុតាងការិយាល័យជំនាញ កំពុងកសាងសំណុំរឿងបញ្ជូនទៅ សាលាដំបូងខេត្តតាកែវ ចាត់ការតាមនីតិវិធី។

ប្រភព កងរាជអាវុធហត្ថខេត្តតាកែវ

មក

សូមអានបន្ត

ល្បែងចម្រុះខុសច្បាប់បង្កប៉ះពាល់ដល់សមត្ថកិច្ចស្រុកអូរជុំ

ចេញផ្សាយដោយ៖ www.kehaktomporknm.com.kh on March 09, 2026

 ខេត្តរតនគិរី ៖ ថ្ងៃទី ៩ ខែមីនាឆ្នាំ ២០២៦ល្បែងចម្រុះខុសច្បាប់ជាច្រើន ប្រភេទមាន(ជល់មាន់ អាប៉ោង និងយូគី)បង្កប៉ះពាល់ដល់សមត្ថកិច្ចស្រុកអូរជុំ តេីត្រូវសាររោងឬយ៉ាងណា? ។

ប្រភពពលរដ្ឋថែទាំចំការថា ទីតាំងលេងល្បែងនេះមានយូរហេីយ អ្នករៀបចំល្បែងចម្រុះលេងភ្នាល់បាននេះ សង្ស័យមានច្បាប់ម៉ាត់ ឬមួយក៏មានខ្នងបង្អែករឹងមាំដែរ បានសមត្ថកិច្ចស្រុកសម្ងំ ស៊ូរងនូវមតិរិះគន់ មិនហ៊ានបង្ក្រាប។

ទីតាំងបនល្បែងនៅក្នុងចំការស្វាយចន្ទី ក្រោយវត្តភូមិក្រូច ប្រវែង១០០០ម៉ែត្រ ឃុំឯកភាព ស្រុកអូរជុំ ខេត្តរតនគិរី

កំពុងបើកប្រតិបត្តិការគ្រប់ប្រភេទតាមតម្រូវការអ្នកចូលលេងតូចធំជាលក្ខណៈកាស៊ីណូខាងលេី អង្គភាពយើងរង់ចាំមើលថាតើ សមត្ថកិច្ចមានវិធានការទប់ស្កាត់ដុតកំទេច ឬក៏សាររោង? ឬក៏ស៊ូរងនូវមតិរិះគន់បន្ត៕

ដោយ រស់ សាមឿន

អង្គភាពសារព័ត៌មានយើងរីករាយរាល់ការផ្ដល់ព័ត៌មានគ្រប់មជ្ឈដ្ឋានមហាជនគ្រប់ពេលវេលារាល់ម៉ោងធ្វើការ...

សូមអានបន្ត

ប៉ូលិសក្លែងក្លាយ ដេញចាប់ប៉ះចំអធិការរងខណ្ឌម្នាក់ ត្រូវសមត្ថកិច្ចឃាត់បាន៤នាក់

ចេញផ្សាយដោយ៖ www.kehaktomporknm.com.kh on January 22, 2026

 

ភ្នំពេញ ៖ ក្រុមប៉ូលីសក្លែងក្លាយអស់ល័ក្ខ ក្រោយស្ទាក់ឃាត់ខ្លួន ប៉ះចំលោកអធិការង ត្រូវសមត្ថកិច្ចក្របួចបាន៤នាក់។

ហេតុការណ៍នេះបានកើតឡើងកាលពីវេលាម៉ោង១១យប់ ថ្ងៃទី២១ ខែមករា ឆ្នាំ២០២៦ ទីតាំងកើតហេតុ ស្ថិតនៅចំណុចផ្លូវបំបែកស្តុប២០០៤ កែងមហាវិថីសហព័ន្ធរុស្សី សង្កាត់កាកាប១ ខណ្ឌពោធិសែនជ័យ រាជធានីភ្នំពេញ៕

សូមអានបន្ត

ឯកឧត្តម នាយឧត្តមសេនីយ៍ ទៀ សីហា ជំរុញឱ្យរដ្ឋបាលខេត្តកោះកុង ផ្តោតសំខាន់លើការបណ្តុះបណ្តាលធនធានមនុស្ស បច្ចេកវិទ្យា និងបោសសម្អាតបទល្មើសបច្ចេកវិទ្យា ដើម្បីឆ្លើយតបនឹងការអភិវឌ្ឍន៍,

ចេញផ្សាយដោយ៖ www.kehaktomporknm.com.kh on January 17, 2026

(កោះកុង)៖ នៅក្នុងឱកាសអញ្ជើញជាអធិបតីបិទសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅឆ្នាំ២០២៦ របស់រដ្ឋបាលខេត្តកោះកុង នាថ្ងៃទី១៧ ខែមករា ឆ្នាំ២០២៦ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររដ្ឋាភិបាលចុះមូលដ្ឋានខេត្តកោះកុង បានដាក់ចេញនូវអនុសាសន៍គន្លឹះមួយចំនួន ដើម្បីជំរុញប្រែក្លាយខេត្តកោះកុងឱ្យកាន់តែមានសក្ដានុពល និងសុវត្ថិភាព ព្រមទាំងការរីកចំរើនបន្តរទៀតទៅអនាគត។

ឯកឧត្តម ឧបនាយករដ្ឋមន្ត្រី បានសង្កត់ធ្ងន់លើចំណុចអាទិភាពមួយចំនួន ដែលរដ្ឋបាលខេត្តត្រូវយកចិត្តទុកដាក់៖
-គឺរដ្ឋបាលខេត្តត្រូវបង្កើនការបណ្តុះបណ្តាលអភិវឌ្ឍធនធានមនុស្សលើគ្រប់វិស័យ ជាពិសេសការជំរុញវិស័យអប់រំ និងការចាប់យកបច្ចេកវិទ្យាឌីជីថល ដើម្បីឆ្លើយតបទៅនឹងការវិវត្តនៃសេដ្ឋកិច្ចទំនើប។ ត្រូវពង្រឹងស្ថេរភាព សុខសន្តិភាព និងសុវត្ថិភាពនយោបាយឱ្យបានរឹងមាំ ដោយត្រូវមានវិធានការក្ដៅក្នុងការលុបបំបាត់ល្បែងស៊ីសងតាមអនឡាញ ការឆបោកតាមប្រព័ន្ធបច្ចេកវិទ្យា និងទប់ស្កាត់ការរីករាលដាលនៃព័ត៌មានក្លែងក្លាយ ដែលបង្កភាពវឹកវរក្នុងសង្គម។ បន្តពង្រឹងការ គ្រប់គ្រងដីធ្លីឱ្យមានប្រសិទ្ធភាព លើកកម្ពស់គុណភាពសេវាសុខាភិបាល និងបង្កើនការផ្សព្វផ្សាយសក្ដានុពលទេសចរណ៍ខេត្តកោះកុងទៅកាន់ពិភពលោក។ ត្រូវធានាអោយបានថា ការផ្តល់សេវាជូនប្រជាពលរដ្ឋមានភាពរហ័ស តម្លាភាព និងគ្មានការរើសអើង ដើម្បីបង្កើនភាពជឿជាក់រវាងរដ្ឋបាល និងប្រជាជន។
ឯកឧត្តម បានគូសបញ្ជាក់ដែរថា ការពង្រឹងសមត្ថភាពមន្ត្រី និងការការពារសន្តិសុខគ្រប់ជ្រុងជ្រោយ គឺជាគ្រឹះដ៏សំខាន់ក្នុងការបម្រើប្រជាពលរដ្ឋ និងទាក់ទាញភ្ញៀវទេសចរ ការវិនិយោគមកកាន់ខេត្តជាប់មាត់សមុទ្រមួយនេះអោយកាន់តែច្រើនបន្ថែមទៀត។
ឆ្លៀតក្នុងឱកាសនោះដែរ ឯកឧត្តម ទៀ សីហា បានថ្លែងការកោតសរសើរចំពោះកិច្ចខិតខំប្រឹងប្រែងរបស់មន្ត្រីរាជការគ្រប់លំដាប់ថ្នាក់ក្នុងឆ្នាំកន្លងមក និងបានជំរុញឱ្យបន្តស្មារតីសាមគ្គីភាព ដើម្បីសម្រេចបាននូវទិសដៅការងារឆ្នាំ២០២៦ ប្រកបដោយជោគជ័យ និងផ្លែផ្កាជូនជាតិមាតុភូមិ៕

ដោយអគ្គនាយកដ្ឋានទស្សន៍ជាតិ

សូមអានបន្ត

ឯកឧត្តម ទេសរដ្ឋមន្រ្តី គន់ គីម ថ្លែងថា អាជ្ញាធរបានរៀបចំស្បៀងឱ្យបានគ្រប់គ្រាន់ជូនជនភៀសសឹកដែលបន្តនៅមណ្ឌលសុវត្ថិភាព

ចេញផ្សាយដោយ៖ www.kehaktomporknm.com.kh on January 17, 2026

នៅថ្ងៃទី១៦.១៧ ខែមករា ឆ្នាំ២០២៦ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានអញ្ជើញចុះសួរសុខទុក្ខ និងពិនិត្យស្ថានភាពជនភៀសសឹក ដែលមិនទាន់អាចត្រឡប់ទៅលំនៅដ្ឋាន នៅមណ្ឌលសុវត្ថិភាព ក្នុងស្រុកថ្មពួក ខេត្តបន្ទាយមានជ័យ។

នាឱកាសនេះ ឯកឧត្តមកិត្តិសង្គហបណ្ឌិត គន់ គីម សូមកោតសរសើរដល់អាជ្ញាធរខេត្តដែលបានខិតខំយកចិត្តទុកដាក់ និងដោះស្រាយនូវតម្រូវការចាំបាច់នៃការស្នាក់នៅមណ្ឌលសុវត្ថិភាព ការផ្តល់តង់ ស្បៀង និងបន្ទប់ទឹកស្អាត។

អំឡុងចុះពិនិត្យតាមបណ្តាមណ្ឌលសុវត្ថិភាព ឯកឧត្តម ទេសរដ្ឋមន្រ្តី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍ថា បើទោះបីស្ថានភាពជម្លោះព្រំដែនបច្ចុប្បន្នស្ថិតក្នុងការអនុវត្តបទឈប់បាញ់, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងជាប្រធានគណៈកម្មាធិការជាតិគ្រប់គ្រងគ្រោះមហន្តរាយ បានណែនាំដល់ក្រសួង-ស្ថាប័ន និងអាជ្ញាធរគ្រប់ជាន់ថ្នាក់ត្រូវមានការយកចិត្តទុកដាក់ពីសុខទុក្ខប្រជាជនភៀសសឹកដែលនៅតាមបណ្តាមណ្ឌលសុវត្ថិភាព។

ឯកឧត្តម ទេសរដ្ឋមន្ត្រី បានវាយតម្លៃខ្ពស់ និងកោតសរសើរចំពោះអាជ្ញាធរខេត្ត កងកម្លាំងប្រដាប់អាវុធ និងមន្ត្រីពាក់ព័ន្ធទាំងអស់ ដែលបានបន្តអនុវត្តបទបញ្ជារបស់រាជរដ្ឋាភិបាល ដើម្បីឆ្លើយតបចំពោះការបន្តស្នាក់នៅមណ្ឌលសុវត្ថិភាពរបស់ជនភៀសសឹក ព្រមទាំងការផ្គត់ផ្គង់ស្បៀងអាហារ សម្ភារៈប្រើប្រាស់ និងការស្នាក់នៅបានយ៉ាងសមរម្យ។

ឯកកឧត្តម ទេសរដ្ឋមន្រ្តី បានសង្កត់ធ្ងន់ថា ខណៈពេលដែលវីរកងទ័ពកំពុងឈរជើងយ៉ាងរឹងមាំនៅតាមព្រំដែន ដើម្បីការពារបូរណភាពទឹកដី ក្រោមការដឹកនាំដ៏ឈ្លាសវៃរបស់ សម្តេចធិបតី នាយករដ្ឋមន្ត្រី រាជរដ្ឋាភិបាលក៏មិនដែលធ្វេសប្រហែសក្នុងការការពារសមរភូមិក្រោយ ពោលគឺការធានាសុខសុវត្ថិភាព និងអាយុជីវិតរបស់ប្រជាពលរដ្ឋគ្រប់រូបតាមមណ្ឌលសុវត្ថិភាពគឺជាអាទិភាពខ្ពស់បំផុត។

សូមជម្រាបថា គិតមកទល់ថ្ងៃនេះមានជនភៀសសឹកសរុបចំនួន ៤៣,៩៨៥នាក់ ស្មើនឹង ១៣៧,៧៧២នាក់ នៅមណ្ឌលសុវត្ថិភាពសរុបចំនួន ១០០កន្លែង៕

ប្រភពអគ្គនាយកដ្ឋានព័ត៌មាននិងសល់ទស្សន៍

សូមអានបន្ត

ឯកឧត្ដម ឃឹម វុទ្ធី ដឹកនាំយកអំណោយ និងថវិការជូនដល់វីរកងទ័ពជួរមុខនៅតំបន់ប្រាសាទព្រះវិហារ

ចេញផ្សាយដោយ៖ www.kehaktomporknm.com.kh on January 09, 2026

នៅរសៀលថ្ងៃទី០៨ខែមករា ឆ្នាំ២០២៦ ឯកឧត្ដម ឃឹម វុទ្ធី អគ្គនាយក នៃអគ្គនាយកទូរទស្សន៍ជាតិកម្ពុជា បានដឹកនាំក្រុមការងារ និងមន្រ្តីនៃអគ្គនាយកដ្ធានទូរទស្សន៍ជាតិកម្ពុជា និងដោយមានការចូលរួមពីតំណាងក្រុមហ៊ុនសំអាងវឌ្ឍនៈ បានយកអំណោយផ្ដល់ជូនវីរកងទ័ពជួរមុខ ដែលបានឈរជើងនៅតំបន់ប្រាសាទព្រះវិហារ។

ឯកឧត្ដម ឃឹម វុទ្ធី បានលើកទ្បើងថា ការពលិកម្មដែលពុំអាចកាត់ថ្លៃបានរបស់យុទ្ធជនកម្ពុជា គឺដើម្បីបុព្វហេតុការពារជាតិ មាតុភូមិ និងសុខសន្តិភាពរបស់ប្រជាពលរដ្ឋខ្មែរទូទាំងប្រទេស និងជាគំរូវីរភាពដែលយុវជន និងប្រជាពលរដ្ឋខ្មែរគ្រប់រូបនឹងចងចាំជានិច្ចនូវគុណូបការៈដ៏ថ្លៃថ្លាក្នុងមនសិការស្នេហាជាតិដ៏ឧត្តុង្គឧត្តមនេះ។ ជាការដឹងគុណនូវគំរូវីរភាពដ៏អង់អាចរបស់យុទ្ធជនពលីគ្រប់រូប រាជរដ្ឋាភិបាលក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត តែងតែគិតគូរនិងយកចិត្តទុកដាក់ជានិច្ច ហើយបានរៀបចំដោះស្រាយគោលនយោ បាយ ឧបត្ថម្ភទ្រទ្រង់ជីវភាពជូនក្រុមគ្រួសារសពបានយ៉ាងសមរម្យបំផុត។ ឯកឧត្តម គូសបញ្ជាក់ថា ប្រជាជាតិខ្មែរគ្រប់ មជ្ឈដ្ឋានទាំងក្នុងប្រទេស និងក្រៅប្រទេស ត្រូវរួបរួមគ្នាជាធ្លុងមួយយ៉ាងរឹងមាំ បន្តជឿជាក់ និងផ្តល់កម្លាំងចិត្តដល់វីរកងទ័ពជួរ មុខ ព្រមទាំងគាំទ្រ និងជឿជាក់លើការដឹកនាំរបស់ សម្តេចតេជោ ហ៊ុន សែន អគ្គភស្តុភារកំពូល និងសម្តេចធិបតី ហ៊ុន ម៉ាណែត ក្នុងការការពារបូរណភាពទឹកដី មិនឱ្យបាត់បង់ទឹកដីពីការឈ្លានពានរបស់សត្រូវឡើយ។ ឯកឧត្តមបានអំពាវនាវដល់បងប្អូនទូទាំងប្រទេស បើទោះបីជាមានបទឈប់បាញ់ក៏ពិតមែន សូមមេត្តានូវតែបន្តការរួបរួមគ្នា ជួយគ្នាក្នុងស្មារតីខ្មែរតែមួយ សម្រាប់ការផ្គត់ផ្គង់បណ្ដោះអាសន្នដល់ បងប្អូនដែលមានផលប៉ះពាល់ និងជាពិសេសវិរកងទ័ពជួរមុខ ដែលលោកបានខិតខំ មិនរុញរាដើម្បីការពារបូរណភាពទឹកដី កម្ពុជាត្រូវការតែសុខសន្តិភាព មិនរំលោភបំពានអ្នកណាទ្បើយ។

សូមបញ្ជាក់ថាអំណោយដែលបានយកជូននូវពេលនេះមានបីទីតាំង និងត្រូវបានប្រគល់ជូន
១ លោកវរៈសេនីយ៍ឯក ម៉ែន លី មេបញ្ជាការរង សឹករងខេត្តព្រះវិហារ
២ វរៈសេនីយ៍ទោ កាន់ ប៊ុននាង នាយសេនាធិការរងកងពលតូចអន្តរាគមន៍លេខ៩
៣ អនុសេនីយ៏ឯក មាន សុភ័ក្ត្រ នាយរងផ្នែកលេខាដ្ឋាន កងពលតូចថ្មើរជើងលេខ41 ឈរជើងប្រយុទ្ធនៅ ចំណុចដើមប្រេងខ្យល់ ច្រកអន្តរជាតិជាំ សមរភូមិទិសទី2 យោធភូមិភាគទី4 ស្រុកអន្លង់វែងខេត្តឧត្តរមានជ័យ៕

ដោយ អគ្គនាយកដ្ឋានទូរទស្សន៍ជាតិ

សូមអានបន្ត